သာသနာ့အားမာန်

          +  သာသနာ ရောင်ဝါလင်းစေဖို့ 
               စေတနာ သဒ္ဒါများရယ်နဲ့ 
               ဖွေရှာကာ စာပေကျမ်းကို
               ကြိုးပမ်းကြ တို့ တစ်ထွေ။    ။
          +   မအားပါပေ
               နားမနေနိုင်ဘူး
               ပြိုင်ဆိုင်ကာ သာသနာအကျိုးကို
               သယ်ပိုးဆောင်နေ။     ။
          +   ခက်တယ်ကွယ့် တစ်ခါတစ်လေ
               ကမ္ဘာကုဋေ လူ့ ဘုံစခန်းမှာလ
                လမ်းဆိုတာလေ
                မြဲတစေ မဖြောင့်ပေဘူး
                ဆူးငြောင့်တော့ အနည်းငယ်
                ရှိတယ်ကွယ့် မှတ်ထား။    ။
           +   ဆင်းရဲမှု ဆိုတာရယ်
                ဘယ်ဆိုဖွယ် ရှိနိုင်မလဲ
                ခိုင်ခိုင်မြဲလို့  ရဟန်း ရှင်ရယ်
                အားမငယ် စိတ်မာန်တင်း
                ထန်ပြင်းဇွဲ လုံ့ လကိုကွယ်
                ခေါင်းငုံ့  ရှာဖွေ
                ကျင့်ကြံစို့ လား။     ။
                                  အရှင်ဓမ္မပိယ (ဘုန်းနိုင်လင်း-ပညာမြေ)
မှတ်ချက်။    ။သဒ္ဒါ-ဝယ်  ဓ-အောက်ခြိုက်နဲ့ ရေးရမည်ဖြစ်သော်လည်း မိမိကွန်ပျူတာ ကီးဘုတ်           တွင်  ဓ-အောက်ခြိုက် ရိုက်မရဖြစ်နေ၍ ဒ-ဒွေးနဲ့ ရေးလိုက်ရသည်။  နားလည်မှုရှိနိုင်ပါစေ။  ။

စာသင်သားတို့ ဘ၀

           +   အင်္ဂါခြေလက်  -  စုံပါလျှက်နဲ့ 
                ရပ်ကွက်အိမ်စဉ် - လှည့်လည်ဝင်၍
                ဝမ်းလျှင်ဖြည့်ကြ - တို့ ဘ၀။    ။
            +  ရဟန်းဘဝ -
                 ဓုရနှစ်ထွေ - ကျင့်ရပေဟု
                 ဆိုထွေမှာကြား - စကားများကြောင့်
                 အားတက်စိတ်ပူ - ကျမ်းဆူဆူကို
                 ဇွဲထူသင်ကြား - နေ့ မအားခဲ့
                 ကြိုးစားနေ့ ည - မြဲနိစ္စ။    ။
            +   တစ်ခါခါဝယ်-
                  သင်္ကန်းသပ္ပာယ် - သပိတ်လွယ်ကာ
                  ထွက်လာလမ်းမ - ဆွမ်းခံကြွဘို့ 
                  ကျောင်းကထွက်တုန်း - ဗြုန်းကနဲဆို
                  ရွှေမိုးညိုက - မာန်ပိုအားခဲ
                  ရွာသွန်းကြဲတော့ - ဝမ်းထဲကဆာ
                  မနေသာဘူး - ဝမ်းစာအတွက်
                  ဆက်ကာထွက်ရ - မိုးရေဆထဲ
                  အားမာန်ခဲလျှက် - -
             +   အင်း----
                  ထွက်သာထွက်ရ - ဆွမ်းရဘို့ လျှင်
                  ဘယ်မမြင်ဘူး - အိမ်စဉ်ဝင်ထွက်
                  လောင်းလိုက်ချက်က - မနက်ဈေးသွား
                  နောက်ကျသွားလို့  - ကြားရသူနွမ်း
                  ကန်တော့ဆွမ်း--တဲ့---။     ။
              +  သြော်---စာသင်သားတို့ --
                   အခြေပြုလျှင် - ဝမ်းမှုအားငယ်
                   ဘယ်မလွယ်ဘူး - တကယ်တွေးကြည့်
                   မိဝေး ဖဝေး - ဆွေညာဝေးနဲ့ 
                   နာရေးတစ်ဖန် - ကြုံလာပြန်က
                   အမှန်မိဘ - စိတ်မှာ တ-မိ
                   တ-သာ တ-ရ - ဝေးဒေသမှ
                   မိဘဘယ်မှာ - သိမည်နည်း
                                                      အရှင်ဓမ္မပိယ (ဘုန်းနိုင်လင်း-ပညာမြေ)